Шымкентте заңсыз салынған 100-ден астам құрылыс нысандарының иелеріне айыппұл салынды. Ал құрылысы заңсыз жүргізілген 30 ғимаратты бұзу жөнінде сотқа арыз жеткен. Шаһар аумағындағы құрылыс нысандарының заңдылығын тексеріп жатқан арнайы комиссия бірнеше күннің ішінде осындай олқылықтардың бетін ашты,-деп жазады 24.kz.Жалпы облыс бойынша 370-ке жуық нысан тексерілген. Кейбір ғимараттар «қызыл сызыққа» тұрғызылса, енді бірі мүлдем құжатта көрсетілген нысанға сәйкес келмепті. Яғни тұрғын үйдің орнына дәмхана не болмаса әлеуеметтік ғимараттар салынғаны белгілі болды. Облыстық мемлекеттік сәулет-құрылыс бақылау басқармасы жыл басынан бері заң талаптарын бұзған нысан иелеріне 51 миллион теңге айыппұл салған. Құттыбек Жамашев, облыстық мемлекеттік сәулет-құрылыс бақылау басқармасының басшысы: - Біздің бас жоспар екі рет өзгерді. Өзгерген кезде «қызыл сызықта» өзгеріп отырады.Сондықтан бұрынғы алған жер телімдерінің бірі қызыл сызықта қалып кетті.Бұның барлығын біз зерделеп кім кінәлі екенін анықтаймыз. Егер жер иеленуші кінәлі болса, соның есебінен кетеді. Оның құрылыс нысаны бұзылуы да мүмкін. Ал енді жер иеленуші кінәлі болмай, әкімшілік тарапынан кеткен кінә болса, сол кінәлі тұлғаларды тауып, шара қолданылады.
