Тараз. Zhambylnews - Жамбыл облысы әкімдігі дін проблемаларын зерттеу орталығының дінтанушы мамандары, «Қазақстан Республикасында діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламаны» іске асыру мақсатында, облыс әкімдігінің сәулет және қала құрылысы басқармасы қызметкерлеріне «Діни экстремизм және терроризм» тақырыбында семинар өткізді. Бұл туралы аталған мекеменің баспасөз қызметі хабарлайды.Жиын барысында Қазақстанда тыйым салынған діни ұйымдар мен теріс ағымдардың сипатын, олардың шығу тарихын және дінтану сараптамасының теріс қорытындысын алған діни әдебиеттер, кітапшалар, уағызшылар жайында айтылды.
Сондай-ақ, дәстүрлі діни таным құндылықтары жайлы таныстырылып, аудитория тарапынан қойылған сұрақтарға жауап берілді. Мекеме қызметкерлеріне дін мәселелері жөніндегі түсіндірме жинақ пен ақпараттық парақшалар таратылып, сауалнама толтырылды.
«ZhambylNews» АА
