Тараз. Zhambylnews - Шу аудандық Төле би мешітінде «Мектепке жол» акциясы ұйымдастырылды,-деп хабарлайды мешіттің баспасөз қызметі.Игі іс-шараға ауданның беделді азаматтары ат салысып, 15 балаға мектеп оқушыларына қажетті құрал-жабдықтар мен сөмке, спорт киімі және спорттық аяқ киімдер таратылды.
Бас имам Қ. Мусаев мектеп шәкірттеріне білім жолында шаршамай еңбек етулерін, еліміздің білімді де парасатты азаматтары болуларына тілектестік білдіріп, шара соңында құран оқылып, бата берілді.
Балалардың ата-аналары игі іс шараға атсалысқан Серік Жұмалыұлы мен шараға ұйытқы болып жүрген ауданның бас имамына алғысын айтып, өз ризашылықтарын білдірді.
«ZhambylNews» АА
