Бүгін Астанада осындай атаумен бұқаралық ақпарат құралдарының 4-ші республикалық көрмесі басталды. Шараның биылғы ерекшелігі – телеарналарға отандық өнім ұсынып отырған продакшндардың қатысуы,-деп жазады khabar.kz. Барлығы 20-дан астам телеарналар мен басылымдардың басын қосқан жиында әрбір ақпарат саласының мекемесі өз жаңалықтарымен бөлісті. Мәселен, жуырда 20 жылдық мерейтойын атап өткелі отырған «Хабар» Агенттігі» жаңа маусымға тың дайындықпен келді. Жаңалықтарды жеткізудің контенті өзгерді әрі бағдарламалар қоржыны жаңа дүниелермен толықты. Айта кетейік, Бас редакторлар клубы ұйытқы болған іс-шараға бұл жолы Түркияның «Джихан» ақпараттық агенттігінің өкілдері де арнайы келген. Бибігүл Жексенбай, Бас редакторлар клубының президенті -Алғашқы рет біз тек қана БАҚ емес, сонымен қатар осы отандық өніммен қамтамасыз етіп отырған продакшн студияларды да қатыстырып отырмыз. Алдыңғы қатарлы БАҚ басшылары, жетекшілері, белгілі медиа менеджерлері өздерінің ойларымен бөлісетін болады.
