Тараз. Zhambylnews -Жамбыл облыстық көзі көрмейтін және әлсіз көретін азаматтар кітапханасының ұйымдастыруымен Жамбыл облыстық мүгедектерді оңалту орталығындағы емделушілер арасында «Бір ел – бір кітап» акциясы аясында «Көркем шығармадағы тарихи шындық» атты әдеби кеш өтті. Қазақ хандығының 550 жылдығына орай ұймдастырылған шараның мақсаты - шығармалардағы XV – XIX ғасырдағы қазақ халқының тарихи шежіресін түсіндіру, тарихи көркем шығармадағы ұлттық рухты негіздеп, ұлттық сананы қалыптастыру, еліне, халқына адал кызмет етуге тәрбиелеу.
Кеш барысында «Көшпенділер» , «Батыр Баян» киносынан үзінділер көрсетілді. «Батыр Баян» киносында басты ролді сомдаған облыстық театр және кино актері Жұмахан Әбдіқадыров тарих және өзі жайында әңгіме өрбітті. Сондай-ақ, оңалушылар тарапынан қойылған сұрақтарға жауап берді.
«ZhambylNews» АА
