Жамбыл облысында дәстүрлі емес діни мазмұндағы кітаптарды таратқаны үшін 4 азаматқа жаза кесілді. Қоғамның санасын уламақ болған «Таблиғи Жамағат» экстремистік тобының үш аудандағы белді мүшесінің әр қайсысы бір жылдан арқалады,-деп жазады ktk.kz. Теріс пиғылдағы ұйымның қызметі Қазақстан аумағында заңмен тыйым салынған. Алайда, соны біле тұра Шу, Меркі, Тұрар Рысқұлов ауданындағы осы топ мүшелері қоғамға кері әсері бар оқулықтарды таратып, жергілікті тұрғындарды қатарға қосылуға үгіттеген. Мысықтілеу миссионерлерге қанша адам алданып, апанына түскені әзірге белгісіз. Бір анығы дінбұзар ағым бес жылдан бері өңірде белсенді түрде жұмыс жасаған.
