Қазақстан аумағында атмосфералық ағымдардың өтуінен кей жерлерде күн жауын-шашынды, жел күшейіп, тұман түседі, солтүстік-батыста көктайғақ болады, тек еліміздің батысында ғана күн ашық,-деп хабарлайды BNews.kz.Қазгидрометтің мәліметінше, Қазақстан аумағында атмосфералық ағымдардың өтуінен күн жауын-шашынды, жел күшейіп, тұман түседі, солтүстік-батыста көктайғақ болады, тек республиканың батысында күн ашық. Алматы, Оңтүстік Қазақстан, Павлодар, Қарағанды, Шығыс Қазақстан, таңертең және күндіз Ақмола, Жамбыл, Солтүстік Қазақстан облыстарында 15-20 м/с жылдамдықпен жел соғады. Жамбыл, Қарағанды, түнде және таңертең Ақмола, Солтүстік Қазақстан өңірлерінде кей бөліктерде тұман түседі деп күтілуде.
Батыс Қазақстан облысында да тұман түседі. Қостанай облысында көктайғақ болады, күндіз кей жерлерде 18м/с жылдамдықпен жел соғады. Қызылорда, Оңтүстік Қазақстан, Жамбыл, Батыс Қазақстан, Ақтөбе, Қарағанды, Қостанай облыстарында төтенше өрт қаупі сақталады.
