Тараз. Zhambylnews - Облыс әкімдігі жастар саясаты мәселелері басқармасы «Жастар орталығының» ұйымдастыруымен Ш.Уалиханов атындағы кітапханасында қазақ халқының ұлы ақыны, философ, ағартушы, қазақтың жазба әдебиетінің негізін қалаушы Абай Құнанбаевтың туғанына 170 жыл толуына орай «Әлемге танылған Абай» атты облыстық конференция өтті.Жиын барысында Абай Құнанбаев оқулықтары көрмесіне шолу жүргізіліп, облыстық жас ақындар арасында Абай Құнанбаевқа арналған өлеңдер байқауы жарияланды. Байқау барысында әділқазылар алқасы қатысушылардың өлеңдерімен танысып, жеңімпаздарды анықтады.
Байқау қорытындысы бойынша І орынды Арайлы Жақсылық иеленсе, ІІ орынды Шынболат Сейдуалиев пен Сәндібек Пренов өзара бөлісті. ІІІ орын Ғалия Абылай мен Нұрлан Жұмабековке бұйырды.
Байқауға қатысқан үміткерлерге ұйымдастырушылар тарапынан арнайы дипломдар мен бағалы сыйлықтар табыс етілді.
«ZhambylNews» АА
