Ақпарат қауіпсіздігі жөнінен танымал сарапшы Индраджит Бхайян WhatsApp желісінен қателік тапты. Оның айтуынша, желіні смайл белгілерінің көмегімен оңай бұзуға болады,-деп хабарлайды 24.kz The Hacker News сайтына сүйеніп. Бұл үшін өзге біреуге 4-5 мың смайл салынған хабарламаны бірден жіберіп қалса жетіп жатыр. Бір қызығы, мұндай тәсіл Android-қа орнатылған WhatsApp желісін бірден «ұшырады» екен. Ал iOS-пен жұмыс істейтін смартфондар мұндай әрекеттен тек біршама уақытқа «қатып, тұрып қалады» да жұмысын жалғастырып кете береді. Жалпы бұл мәселеден құтылу үшін осы ұзын-сонар смайлдарды жіберген адамнан келген барлық хат-хабарды өшіріп тастау керек. Себебі смайлдар шұбырып келген кезде буфер толып кетеді екен.
