Әлемдегі ең үлкен және кең қолшатыр Қытай жерінде жасалды. Қазір алып қолшатыр Гиннестің рекордтар кітабына еніп үлгерді. People's Daily Online басылымына сүйеніп 24.kz сайтының хабарлауынша, оны жасауға жарты жыл уақыт кетіп, шамамен 113 000 АҚШ доллары жұмсалған. Қолшатырдың диаметрі 23 метр болса, биіктігі 14,4 метр екен. Салмағы 5,7 тонна болатын құрылыс бой тіктеп, жер бетіне тұрғызылған кезде 418 шаршы метр жерді алады.
