Тараз. Zhambylnews - Жамбыл облысы әкімдігінің дін проблемаларын зерттеу орталығының дінтанушы мамандары оқушылардың дәстүрлі емес діни ағымдарға кіріп кетпеуінің алдын алу мақсатында Тараз қаласы №38 орта мектептің ата-аналарымен «Діни экстримизімнің қатері» тақырыбында семинар өткізді. Бұл туралы аталған орталықтың баспасөз қызметі хабарлайды.Шара барысында қатысушыларға қазіргі уақытта қоғамды ерекше алаңдатып отырған радикалды діни ағымдардың зияны, жастар арасындағы діни сауатсыздық, дәстүрлі діни танымның төмендігі, жат насихаттарды айыра алмау себептерінен деструктивті ағымдарға тартылуы жайлы ақпараттық түсіндіру жұмыстары жүргізілді. Кездесуге қатысқан ата-аналар тарапынан сұрақтар қойылып, оларға толық жауаптар берілді.
«ZhambylNews» АА
